kavidhaikku kavidhai matrum Pattuku pattu-2

**pavalamani pragasam** · 6th September 2011, 12:37 PM

வாங்கு கடனை
அனுபவி உலகை
சுகங்கள் எத்தனை
அனைத்தும் உனக்கே
போனால் வராது
வாழ்வது ஒருமுறை
இன்றே இப்போதே
சுவைத்து முடித்திடு

**Google Adsense** · 6th September 2011 12:37 PM

**chinnakkannan** · 7th September 2011, 09:56 PM

முடித்திடு என்று
மிஸ் சொல்லியிருக்காளாம்
பள்ளியில் வந்ததிலிருந்து ஒரே அழுகை..
இருடி..அம்மா வேலை முடிச்சுட்டு வர்றேன்..
இல்லன்னா அப்பா வ்ருவார்..
அழுகை பலக்க
சரி கடங்காரி எனத் திட்டி
கத்த்ரிக்கோல் எடுத்து
மரக்கலர் அட்டைகளை
எல்லாப் புத்தகங்களும் போட்டுக் கொடுத்தால்
அதுவரை கொஞ்சம் அழுகையை அடக்கி
பாதி தோசையில் இருந்தவள்
கையை உதறி
இரும்மா கோடி தீபக்கப் பாத்துட்டு வர்றேன்
என ஓடியே போய் விட்டாள்..
நான் நல்லவளா பைத்தியமா என
என்னை நினைக்க வைத்து...

**pavalamani pragasam** · 8th September 2011, 07:16 AM

வைத்து விட்டுப் போகலாம் அடையாளத்தை
நடந்த பாதையில் அழியாத ஒரு கால் தடத்தை
அரிய பெரிய சாதனைகள் செய்திட வேண்டாம்
அழகிய பாரம்பரியம் அழியாமல் காத்திடு போதும்

**kirukan** · 8th September 2011, 10:29 AM

போதும் தூக்கு தண்டனை
என்ற போராட்டம் போதும்
பொது மக்கள் உயிர்காக்க
போராட வேணும்

குண்டு வைத்து குடி கெடுக்கும்
கூட்டமே
உனக்கு
திறனிருந்தால்
திராணியிருந்தால்
தில்லிருந்தால்
அறியா ஜனத்தின் மேல்
வைக்கும் குண்டை
அரியணையில் உள்ளவர்கள் மேல்
வைத்துப்பார்

அப்போது தெரியும்
எம்
காவலர்களின் கண்டுபிடிப்பு திறனும்
புலன் விசாரணையில் புயல் வேகமும்

சாவது சாதாரணமானவன்
என்பதால் தான்
படை கொண்டு
பகை கொல்லாமல்
பாடைக்கு இங்கே
பாடுகிறார்கள் ஒப்பாரி.

**chinnakkannan** · 8th September 2011, 12:40 PM

ஒப்பாரின்னாலே ஒச்சாயிக் கெழவிதான்..
*
கடைகண்ணி போகையிலெ
கருணை வாங்க்றேன்னு
பொடிநடையாப் போனவரு
போனபாத ப்ரியலையே

மூக்குத்தி வாங்குதற்கு
முக்குக்கட போன மச்சான்
மேல போன மாயமென்ன
மோசம் நானும் போனதென்ன..

செட்டுசெட்டா வண்டி பூட்டி
செவப்பான நெறத்தோட
எனப் பாக்க வந்தவரே
எங்கேய்யா போனீக
*
எப்படி எப்படியோ இட்டுக்கட்டி பாட்டுச்சொல்லும்
ஒச்சாயிக் கெழ்வியுந்தான் ஒரு நாள் மேல போக
ஊர்மூச்சும் வந்த்தென்றால் அதுதானே இல்லீங்க
பாடிஅழுகையதை பக்குவமாச் சொன்னவளுக்கு
கூடிய கொஞ்சஜனம் த்ந்த்துவோ மெளனம் தான்...
*

**pavalamani pragasam** · 8th September 2011, 07:23 PM

மௌனம் தான் வலிய தொடர்பு சாதனம்
விடிய விடிய பேசியது சந்தித்த புதிதில்
புரிதல் வளரும் வருடங்கள் பறக்கையில்
வார்த்தைகள் வீணாகும் அத்வைத நிலை

**chinnakkannan** · 9th September 2011, 08:20 PM

நிலைக்கண்ணாடி
ஆண்களை அழகாக்க்
காட்டுவதே இல்லை..

சின்னப் பையன்களை
பவுடர் முகத்தில் ஜாஸ்தியாகவும்
பள்ளி மாணவ்ர்களுக்கு
தலை வாரிக் கொள்வதற்கும்
கல்லூரி மாணவர்கள்
கொஞ்சம்
ஆஃப்டர் ஷேவ் லோஷன் தெளித்து
முகத்தைப் பார்த்துக் கொள்வதற்கும்
வேலை செய்யும் ஆண்களுக்கு
டை கட்டுவதற்கும்
வயதான ஆண்களுக்கு
திருநீறோ நாம்மோ சரியாக இருக்கிற்தா
எனப் பர்ர்ப்பதற்கு மட்டுமே
இருப்பதால்
ஒரு வித விரக்தியில் நின்றிருக்கும்..

அதுவே
ஒரு சிறுமி, மங்கை, பேதை பேரிளம் பெண்
என்றால் குஷி ஆகிவிடும்..
என்னிடம் நிறைய நேரம் கழிப்பவர்கள்
இவர்கள் தானே..
இவர்தான் என் உண்மையான சினேகிதி எனப்
பெருமை கொள்ளும்..

இருப்பினும்
அவைகள் கொஞ்சம் கோழைத்தனமானவை தான்
கோபத்தில் யாராவது எறிந்தோ
கைதவறி கீழே விழுந்தாலோ
படக்கென உடைந்து விடும்..
சிதறிய போதும் சிரித்து
நம்மைப் பிரதிபலிக்கும்..
அலட்சியமாக சிதற்லைப் பொறுக்கினால்
அங்கே தான்
கோபத்தைக் காட்டி ரத்தம் வரவழைக்கும்..

மூட ஜென்ம்ம்..

இருந்தாலும்
மனித வாழ்வில்
மூச்சைப் போலவே
முக்கியமானது இது என
புரிந்தாலும்
அதற்கு எப்போதுமே
வந்த்தில்லை கர்வம்...

**pavalamani pragasam** · 10th September 2011, 07:11 AM

கர்வம் ஓங்கி வளரத்தான் செய்யும்
வாரிசை தன் அச்சாய் காண்கையில்
நடை பாவனை ரசனை குணம் குறை
அத்தனையையும் அப்படியே பிரதிபலிக்கையில்-
விதை ஒன்று போட சுரை ஒன்று முளைக்காது-
சின்னஞ்சிறு கிளியை உச்சி முகராதோர் உண்டோ

**chinnakkannan** · 10th September 2011, 02:58 PM

உச்சி முகராதார் உண்டோ
என்றால் இல்லை..
பார்த்த அம்மா அப்பா
எல்லாம் ஹை
எவ்வளவு முடி..
கொழுகொழுன்னு
அப்படியே அப்பனைப் போல இருக்கு
எனக் கொஞ்ச
என் அம்மா
ம்ம் மூக்கு இவள் தான் என
என் குழவியோ சின்னதாய் முகம் சுளிக்க..
பாரேன் இவளும்
சிறுவயதில் இப்படித்தான் என..
வந்த கணவன்
வழக்கம்போல ஆபீஸ் முகம் காட்டி..
சரி சரி எப்ப வீட்டுக்குப் போகலாமாம்..
மருத்துவச்செலவுக்கவலை அவனுக்கு..
இருந்தாலும் கொஞ்சம் பெருமிதம் முகத்தில்..

பக்கத்து வீட்டு மாமி
பெத்துப் பிழைச்சையேடி..
படவா.. படுத்திட்ட அம்மாவை
எனக் கொஞ்சி சின்னதாய்க் கிள்ளுகிறாள்..

ஊரிலிருந்து வந்த அக்கா
எங்க இவர் முன்னாலேயே
விடமாட்டேன் என்கிறார்
இல்லன்னா நேத்தே வந்துருப்பேன்..
பாரேன் சமத்தா தூங்கறான்..
உனக்கென்ன
நல்ல மாமியார் மாமனார்
வீட்டுக்குப் போயும் ரெஸ்ட்
எடுத்துப்ப தானே..
எனக்குத்தான் தீராது
மூத்தது இளையது பொறந்தப்போ
மூணாம் நாள்ளயே கிச்சன் போய்ட்டேன்..

வந்தவர்கள் பார்ப்பவர்கள்
சொல்வதை
காதில் வாங்காமலேயே
உறங்கிக்கொண்டிருக்கிறது
பரப் பிரம்மம்..

**pavalamani pragasam** · 10th September 2011, 06:52 PM

பரப் பிரம்மம் போலிருடா பதி நீ
அவள் அடிக்கட்டுமே இடிக்கட்டுமே
தலையில் குட்டட்டுமே திட்டட்டுமே
பட்டினி போடட்டுமே பொங்கட்டுமே
சிறை வைக்கட்டுமே சீறட்டுமே
கல்லாய் மனிதன் ஆனபின்னே
நால்வகை படை தோற்றிடவே
பாவப்பட்ட நிலை தான் சதிக்கு