Nadigar Thilagam Sivaji Ganesan - Part 22

[sivaa]

4 years ago
வசந்த மாளிகை வசூல் மழை ரசிகர்கள் கொண்டாட்டம் உற்சாகம் #vasanthamaaligai #sivaji #actorsivaji



Thanks G5 media

[sivaa]

நடிகர் திலகத்தின் திரைப்படங்கள் புரிந்த சாதனைகளை ஊடகங்கள் மற்றும் பத்திரிகை செய்திகள் மூலம் அறிந்து கொள்வதை காட்டிலும் தீவிர ரசிகர்கள் நாங்கள் பெற்ற அனுபவத்தை பதிவிடுவோமாயின் அந்தப் பதிவுகள் தெளிவு படுத்திவிடும், அந்த வரிசையில் 28 ஆண்டுகளுக்கு முன் நான் நடிகர்திலகத்தின் திரைப்படம் காண சென்ற நினைவு பகிர்ந்து கொள்கிறேன்,
அப்போது பத்தாம் வகுப்பு படிக்கிற சின்சியரான காலம் வருடம் 1987, கிராமத்தில் இருந்து 15 கிமீ தொலைவில் உள்ள பேரூராட்சி செங்கம் நகரத்தில் விடுதியில் தங்கிப் படித்த நாட்கள், டூரிங் கொட்டகையில் படம் பார்த்து வந்த நமக்கு தியேட்டர்களில் படம் பார்க்க சான்ஸ் தொடங்கியது,
பக்கத்தில் திருவண்ணாமலை நகரம் 35 கிமீ தொலைவு அங்கு மட்டுமே புதிய படம் ரிலீஸ், புதிய படம் ரிலீஸ் என்றால் கூட அது நம்ம படமா இருந்தாகனும் என்ற ஒரு சுய நலம் இருக்கவே செய்தது, அப்படிப்பட்ட தருணத்தில் விடுதியின் எதிரே இருக்கும் உயரமான நீண்ட சுவரில் புதிய ரிலீஸாகும் படத்தின் வால் போஸ்டர் ஒட்டுவது வழக்கம் அந்த குறிப்பிட்ட சுவரில் திருவண்ணாமலையிலிருக்கும் ஸ்ரீபாலசுப்ரமனியர் திரையரங்கில் திரையிடப்படும் படங்களுக்கு மட்டுமே, அந்தத் திரையரங்கில் தான் திரிசூலம் 200 நாட்களையும் முதல் மரியாதை 150 நாட்களையும் கடந்து சாதனை புரிந்தன.
அந்தச் சுவற்றில் முதல் மரியாதை வால் போஸ்டர் நீண்ட நாள் காட்சி தந்தது,
தினமும் காலை எழுந்தவுடனே சுவற்றில் ஏதாவது மாற்றம் இருக்கிறதா என காண்பது வழக்கம்,
அன்று நான் காணும் போது வசந்த மாளிகை போஸ்டர் பளிச்சென்றது, ஏற்கனவே டூரிங் கொட்டகையில் இரு முறை பார்த்தது தான் ஆனாலும் வசந்த மாளிகையாச்சே அன்றைய நாள் ஞாயிறு விடுதியில் ஊருக்கு சென்று வர அனுமதி உண்டு அது போதாதா நமக்கு, நானும் எனது நண்பர் மகாலிங்கமும்( சங்கிலியின் DSP சரவணன் பக்தர்) காலை 11 மணிக்காட்சியில் பார்த்து விட்டு திரும்பலாம் என்ற திட்டத்துடன் புறப்பட்டு தி.மலைக்கு பேருந்தில் சென்று தியேட்டருக்கு அருகில் இறங்கினோம், இங்கு தான் நமக்கு டர்னிங் பாருங்கள், பார்க்க வந்தது வசந்த மாளிகையை ஆனால் எங்களை வரவேற்பு கொடுத்து பரவசப் படுத்தியது நடிகர் திலகத்தின் ஐந்து திரைப்படங்கள் முறையே ஸ்ரீ பாலசுப்ரமணியரில் வசந்த மாளிகை, சக்தி தியேட்டரில் அன்னையின் ஆணை, அன்பு தியேட்டரில் குலமகள் ராதை , கிருஷ்ணா தியேட்டரில் சம்பூர்ண ராமாயணம், புகழ் திரையரங்கில் குடும்பம் ஒரு கோயில்,
திக்கு முக்காடி விட்டோம் அந்த ஊரில் இருந்த ஆறு தியேட்டரில் ஐந்து தியேட்டரில் நடிகர் திலகத்தின் ஐந்து படங்கள் எதை பார்ப்பது எதை விடுவது, எங்களுக்கு இருக்கும் சான்ஸ் மூன்றுக்கு மட்டுமே இரவு 10 மணிக்கு கடைசி பஸ்சை பிடித்து ஊருக்கு சென்றாக வேண்டும் அதன்படி வசந்த மாளிகை, அன்னையின் ஆணை, குல மகள் ராதை ஆகியவற்றை கண்டு வீடு வந்து சேர்ந்தாலும் சம்பூர்ண ராமாயணம், குடும்பம் ஒரு கோயில் மிஸ்ஸிங் என்பதை நீண்ட நாட்கள் மறக்க இயலாத சூழலில் வருந்தியது இப்போதும் பசுமையான நிகழவாகவே இருக்கிறது..
இங்கு நாம் சொல்லும் செய்தி
அன்றைய கால கட்டத்தில் எத்தனையோ புதிய படங்கள் வந்த வண்ணம் இருந்தாலும் ஒரு சில பிரபலமான நடிகர்கள் இருந்தும் கூட ஒரு நகரின் ஒட்டுமொத்த தியேட்டர்களும் நடிகர்திலகம் மயமாகவே இருந்தன,
மக்கள் நடிகர் திலகம் படம் ஓடுகின்ற தியேட்டரில் மட்டுமே கூடினார்கள்,
*திரையுலக வரலாற்றில் எந்த நடிகராலும் இது போன்ற சாதனையை இனி நிகழ்த்த முடியாது என்பதை சுட்டிக் காட்டிடவே இந்த அனுபவ பதிவு.

17759824_1289648651152022_4006635739853201139_n.jpg

17759946_1289648671152020_5079251626236200119_n.jpg


Thanks Sekar Parasuram

[sivaa]

52 ஆண்டுகளுக்கு முன்பு ...... (ஏப்ரல் 16/1972)
.
அன்றைய இந்தியாவின் மிகப்பிரபலமான ஆங்கில வார ஏடு "The illustrated Weekly of india" வில் நடிகர்திலகம் பற்றி வெளியான கட்டுரை.
"Sivaji Ganesan-A Acting Institution (சிவாஜி கணேசன் - நடிப்பின் நிறுவனம்) என்ற தலைப்பில் கிரிஜா ராஜேந்திரன் அவர்கள் எழுதியது.
.
கட்டுரையில் இறுதியில் அவர் குறிப்பிடுகிறார்.
Good Artistes there will always be. but, there can never be another Sivaji in indian Screen industry.
(நல்ல கலைஞர்கள் எப்போதும் இருப்பார்கள். ஆனால், இந்தியத் திரையுலகில் இன்னொரு சிவாஜி இருக்கவே முடியாது)
.
எத்தனை சத்தியமான வரிகள்.
வாழ்க சிம்மக் குரலோனின் புகழ் !!

435093342_2270642413351452_5671375925044577779_n.jpg 434643124_2270642493351444_8439928704940889096_n.jpg

Thanks K Singaravel (Nadigarthilakam Fans Face book)

[sivaa]

SIVAJI GANESAN'S TRENDING VIDEO | SIVAJI GANESAN | FILMS | MOVIES #trending





Thanks ONLY SIVAJI GANESAN Youtube

[sivaa]

சிவாஜியின் எந்த படங்கள் வெள்ளிவிழா ஓடியது




Thanks SIVAJI MURASU Youtube

[sivaa]

சிவாஜி-MGR படங்களின் மோதல்! சிவாஜி படம் தியேட்டரில் போகாதா? MGR பெயரில் நடக்கும் அரசியல்




Thanks Naadhas Media

[sivaa]

சிவாஜி செய்ததை மறைக்கத்தான் இருந்தார்கள் இங்கே?



Thanks SIVAJI MURASU Youtube

[sivaa]

வெள்ளத்தால் பாதிக்கப்பட்ட மக்களுக்கும் வறட்சியால் பாதிக்கப்பட்ட மக்களுக்கும் நன்கொடை அளித்த சிவாஜி




Thanks ONLY SIVAJI GANESAN youtube

[sivaa]

��கூடுதல் சம்பளத்தை வாங்க மறுத்த நடிகர்: யார் தெரியுமா?��
��நடிகர் திலகம் சிவாஜி,கணேசன் அவர்கள்�� இயக்குனர் முக்தா சீனிவாசன்
��ஒரு தயாரிப்பாளராகவும் இயக்குநராகவும் முக்தா சீனிவாசன் நிறைகுடம்; ஒரு நடிகராக, இயக்குநரின் நண்பராக நடிகர் திலகம் சிவாஜி,கணேசன் அவர்கள் ஒரு நிறைகுடம்.��நன்றிகள் வி.ராம்ஜி��

��படம் 'மாயா' முக்தா சீனிவாசன் அவர்கள் திருமணத்தில் நடிகர் திலகம் சிவாஜி,கணேசன் அவர்கள், கமலா அம்மையார் அவர்கள் ��

முதலில் குறைவாகச் சம்பளம் கொடுத்துவிட்டு, பிறகு நடிகர் கேட்காமலேயே சம்பளத்தை அதிகப்படுத்தி தருகிற தயாரிப்பாளர்கள் அதிசயம். அந்தப் பணத்தை வாங்கவே மாட்டேன் என்பதில் உறுதியாக இருக்கிற நடிகர்கள் பேரதிசயம். தமிழ் சினிமாவில் இப்படியொரு சம்பவம் நிகழ்ந்தது. சம்பந்தப்பட்ட இரண்டுபேர் யார் தெரியுமா? தயாரிப்பாளர்... முக்தா வி.சீனிவாசன். நடிகர்... நடிகர் திலகம் சிவாஜிகணேசன்.அவர்கள்
நடிகர் திலகம் சிவாஜி,கணேசன் அவர்களை வைத்து படங்களைத் தயாரித்த முக்தா பிலிம்ஸ், 60 ஆண்டைக் கடந்து இன்றைக்கும் மக்கள் மனங்களில் நீங்காத நிறுவனமாகத் திகழ்கிறது.
முக்தா பிலிம்ஸின் ‘நிறைகுடம்' படத்தில் நடிக்க நடிகர் திலகம் சிவாஜி,கணேசன் அவர்களி டம் சம்மதம் வாங்கினார் முக்தா சீனிவாசன். அவரும், “உனக்கு இல்லாத கால்ஷீட்டா. கொடுத்துட்டாப் போச்சு” என மளமளவென தேதிகள் கொடுத்தார். அப்போது முக்தா சீனிவாசன் கொஞ்சம் தயங்கியபடியே, “இந்தப் படம் கொஞ்சம் லோ பட்ஜெட் படம்தான். அதனால கொஞ்சம் சம்பளம் குறைச்சிக்கலமா?” என்று கேட்க, “இதுக்கு ஏன் தயங்கறே சீனு... எவ்ளோ தந்தாலும் பரவாயில்ல” என்று சட்டென்று சொன்னார் நடிகர் திலகம் சிவாஜி,கணேசன் அவர்கள்
படம் எடுக்கப்பட்டது. 1969-ல் இதே நாளில் வெளியானது. ‘இந்தப் படம் இவ்வளவுதான் வசூலாகும்’ என்று நினைத்ததையும் கடந்து, நல்ல வசூலைக் கொடுத்தது. தமிழகத்தின் பல ஊர்களில், 50 நாட்களைக் கடந்தும் ஓடியது. சில ஊர்களில், 75 நாட்களைக் கடந்தும் ஓடியது. தமிழகம் முழுக்க வந்த வசூல் கணக்கையெல்லாம் பார்த்துவிட்டு, முக்தா வி.ராமசாமியும் முக்தா வி.சீனிவாசனும் மிகவும் திருப்தியடைந்தார்கள்.
அதையடுத்து நடந்ததுதான் அதிசயம். முக்தா சீனிவாசனின் மகன்களில் ஒருவரும் தயாரிப்பாளருமான முக்தா ரவி நம்மிடம் இந்த விஷயத்தைப் பகிர்ந்துகொண்டார். அந்தத் தகவல் இதுதான்.
’நிறைகுடம்’ வெற்றிக்குப் பிறகு முக்தா சீனிவாசன் நடிகர் திலகம் சிவாஜி,கணேசன் அவர்கள் ப் பார்க்க அவரின் வீட்டுக்குச் சென்றார். “வா சீனு, வா சாப்பிடலாம்” என்று எப்போதும் போலவே வரவேற்றார் நடிகர் திலகம் சிவாஜி,கணேசன் அவர்கள் . “இதைப் பிடிங்க...” என்று முக்தா சீனிவாசன் ஒரு கவரை அவரிடம் கொடுத்தார். “என்ன இது?” என புருவம் உயர்த்தி, குழப்பத்துடன் கவரை வாங்கிய நடிகர் திலகம் சிவாஜி,கணேசன் அவர்கள் , கவரில் துருத்திக் கொண்டிருந்த கடிதத்தைப் பார்த்தார். எடுத்தார். படித்தார்.
அந்தக் கடிதத்தில், சென்னை, செங்கல்பட்டு, தென்னாற்காடு மாவட்டம், வட ஆற்காடு மாவட்டம் (அப்போது அப்படித்தான் விநியோக ஏரியா பிரித்துப் பார்க்கப்பட்டது), திருச்சி, கோவை, சேலம், மதுரை, ராமநாதபுரம் என தமிழக விநியோக ஏரியாக்கள், ‘நிறைகுடம்’ திரையிடப்பட்ட தியேட்டர்கள், ஒவ்வொரு தியேட்டரின் வசூல் நிலவரம், ஏரியாக்கள் விற்ற விவரம் என அனைத்தும் குறிக்கப்பட்டிருந்தது. அத்துடன், ‘நிறைகுடம்’ படம் எடுப்பதற்கான செலவுக் கணக்கும் எழுதப்பட்டிருந்தது. செலவெல்லாம் போக, எதிர்பார்த்த வசூல் இவ்வளவு என்று ஒரு தொகையும் கிடைத்த வசூல் இவ்வளவு என்று ஒரு தொகையும் குறிப்பிடப்பட்டிருந்தது. நடிகர் திலகம் சிவாஜி,கணேசன் அவர்கள் முகத்தில் மகிழ்ச்சி. புன்னகை.
அந்தப் பேப்பரைக் கடந்தும் கவரில் கனமாக ஏதோ இருக்க, எடுத்துப் பார்த்தார். பணம். “என்ன இது?” என்பது போல் முக்தா சீனிவாசனைப் பார்வையாலேயே கேட்டார் நடிகர் திலகம் சிவாஜி,கணேசன் அவர்கள் . “படத்துக்கு குறைவான தொகைதான் சம்பளமா கொடுத்தேன். ஆனா, நாம எதிர்பார்க்காத வசூல் வந்து, நல்ல லாபமே கிடைச்சிருக்கு. அதனால, மார்க்கெட் நிலவரப்படி, உங்களுக்கான மீதமுள்ள சம்பளம் இது” என்றார் முக்தா சீனிவாசன்.
இதைக் கேட்டதும் சட்டென்று முகம் மாறியது நடிகர் திலகம் சிவாஜி,கணேசன் அவர்கள் க்கு. “என்ன பழக்கம் இது. இந்தப் படத்துக்கு இவ்ளோ சம்பளம் தரேன்னு நீ பேசினே. நானும் சரின்னேன். அதையும் கொடுத்துட்டே. இப்போ என்ன இது? எனக்குப் பிடிக்கல சீனு. இதை நீயே வைச்சுக்கோ” என்று கொஞ்சம் கோபத்துடன் சொன்னார் நடிகர் திலகம் சிவாஜி,கணேசன் அவர்கள்
ஆனால் முக்தா சீனிவாசன் விடாப்பிடியாய் பணத்தைப் பெற்றுக்கொள்ளும்படி வற்புறுத்திக் கொண்டே இருந்தார். நடிகர் திலகம் சிவாஜி,கணேசன் அவர்கள் யும், வாங்கமாட்டேன் என்பதில் உறுதியாக இருந்தார். இப்படியே தொடர்ந்து கொண்டிருக்க, சீனு சொன்னதைச் செய்யாம விடமாட்டான். இதை கொடுக்காம நகர மாட்டான் என்பதை உணர்ந்து கொண்டார் நடிகர் திலகம் சிவாஜி,கணேசன் அவர்கள்
ஒரு நிமிடம் அமைதியாக முக்தா சீனிவாசனையே பார்த்தார். “சரி சீனு, இந்தப் பணத்தை நான் வாங்கிக்கணும். அவ்ளோதானே... சரி, வாங்கிக்கிறேன். ஆனா ஒரு நிபந்தனை...” என்று சொல்ல, முக்தா சீனிவாசன் நிம்மதிப் பெருமூச்சு விட்டபடி, “சொல்லுங்க, செஞ்சிருவோம்” என்றார்.
இந்தப் பணத்தை நான் வாங்கிக்கிறேன். ஆனா இதை ‘நிறைகுடம்’ படதுக்கான சம்பளமா நான் வாங்கிக்க மாட்டேன். என்னை வைச்சு அடுத்தாப்ல நீயொரு படம் பண்ணு. அந்தப் படம் எப்போ பண்றியோ, அந்தப் படத்துக்கான அட்வான்ஸா இதை நான் வைச்சிக்கிறேன்” என்று நடிகர் திலகம் சிவாஜி,கணேசன் அவர்கள் சொல்லியபடி, முக்தா சீனிவாசனின் கைகளை இறுகப்பற்றிக்கொண்டார். நெகிழ்ந்து நெக்குருகிப் போனார் முக்தா சீனிவாசன்.
��ஒரு தயாரிப்பாளராகவும் இயக்குநராகவும் முக்தா சீனிவாசன் நிறைகுடம்; ஒரு நடிகராக, இயக்குநரின் நண்பராக நடிகர் திலகம் சிவாஜி,கணேசன் அவர்கள் ஒரு நிறைகுடம்.��

444214136_3125531124243543_897512188795566630_n.jpg


Thanks Devakottai Dolphin AR Ramanathan (Nadigarthilagam Fans face book)