INTERVIEWS With TV Artists

**R.Latha** · 6th May 2016, 12:10 PM

prabala inaiya thala Tv channel yup tv kaalathirku thagunthavaaru thannudaiya thozhil nutpathai virivu paduthum yup tv rasigargalin thevaiyai arinthu nigalchigalaiyum vazhangi varugiradhu.

http://cinema.dinamalar.com/tamil-tv...and-Thozha.htm

Nandri .Dinamalar.

**Google Adsense** · 6th May 2016 12:10 PM

**aanaa** · 11th May 2016, 06:31 PM

சினிமாவில் ஹீரோயின் ஆகிறார் மதுமிலா
ஆபீஸ் தொடர் மூலம் சின்னத்திரைக்கு வந்தவர் மதுமிலா. அதன் பிறகு தாயுமானவன், அக்னி பறவை உள்ளிட்ட சில தொடர்களில் நடித்தார். அதன் பிறகு சினிமாவுக்குள் வந்தார். பூஜை படத்தில் விஷாலின் தங்கையாக அறிமுகமானார். ரோமியோ ஜூலியட்டில் ஹன்சிகாவின் தோழியாக நடித்தார். மாப்ள சிங்கம் படத்தில் இரண்டாவது நாயகியாக நடித்தார். அடுத்த கட்டம் ஹீரோயின் தானே.
மிதிலா விரைவில் ஹீரோயினாக நடிக்கிறார். இது தொடர்பான பேச்சு வார்த்தைகள் இறுதி கட்டத்தை எட்டியுள்ளது. புதுமுகம் ஒருவர் ஹீரோவாக நடிக்கும் இந்தப் படத்தை புதுமுகங்கள் இணைந்து உருவாக்குகிறார்கள். விரையில் அதற்கான முறையான அறிவிப்பு வெளிவரும்.
“சினிமா நடிகையாக வேண்டும் என்பதே என் லட்சியம். அந்த லட்சியத்தை அடையும் வழியாக சின்னத்திரையை பயன்படுத்திக் கொண்டேன். சினிமாவில் படிப்படியாக வளர்ந்து வருகிறேன். விரைவில் எனது லட்சியம் கைகூடும்'' என்கிறார் மதுமிலா.

நன்றி: தினமலர்

**aanaa** · 11th May 2016, 06:33 PM

பென்சில் படத்தில் பாசமலர் ஷாமிலி!
பொன்னூஞ்சல், பாசமலர், பிரியசகி, ரோமாபுரி பாண்டியன், மகாபாரதம், 63 நாயன்மார்கள் என பல சீரியல்களில் முக்கியத்துவம் வாய்ந்த வேடங்களில் நடித்திருப்பவர் ஷாமிலி. பாசமலர் தொடரில் அவர் நடித்துள்ள பாசக்கார தங்கை வேடம் அவரை பெரிய அளவில் பேச வைத்துள்ளது.
>இதுபற்றி ஷாமிலி கூறுகையில், நான் எந்தவொரு கதாபாத்திரமாக இருந்தாலும் அதுவாகவே என்னை முழுமையாக மாற்றிக்கொண்டு நடிப்பேன். அந்த வகையில், பாசமலர் சீரியலில் பாசக்கார தங்கையாக நடித்து வருகிறேன். பல காட்சிகளில் கிளிசரின் போடாமலேயே அழுது நடிக்கிறேன். அது எனக்கு இயல்பாகவே வருகிறது. ஆக, இனிமேல் எந்தமாதிரியான செண்டிமென்ட் வேடங்கள் என்றாலும் எளிதாக என்னால் ஸ்கோர் பண்ண முடியும் என்கிற அளவுக்கு இந்த சீரியல் என்னை தயார்படுத்தி விட்டது.
மேலும், இப்படி சீரியல்களில் நான் பிசியாக நடித்து வந்தபோதும், ஸ்ரீகாந்த் நடித்த ஓம் சாந்தி ஓம் என்ற படத்தில் நடித்தேன். அதன்பிறகு ஜி.வி.பிரகாஷ்-ஸ்ரீதிவ்யா நடித்துள்ள பென்சில் படத்தில் பள்ளி மாணவியாக நடித்திருக்கிறேன். ஸ்ரீதிவ்யா கதாநாயகி என்றாலும் எனக்கு கதைக்கு முக்கியத்துவம் வாய்ந்த கேரக்டர். அந்த கேரக்டர்தான் கதையில் திருப்புமுனையை ஏற்படுத்தும். இந்த படம் திரைக்கு வந்தால் எனக்கு சினிமாவில் இருந்தும் நிறைய வாய்ப்புகள் வரும் என்று கூறும் ஷாலினி, நான் சினிமாவில் நடிக்க வேண்டும் என்பதற்காக, எந்த கம்பெனிக்கும் ஏறி இறங்குவதில்லை. தேடி வந்தால் நடிக்கிறேன். காரணம், சீரியலில் நான் ரொம்ப பிஸி. சீரியல்கள் மூலம் தமிழ்நாட்டிலுள்ள ஒவ்வொரு வீடுகளுக்கும் நான் தினமும் போய் வருகிறேன். அதனால் என்னை தங்களது குடும்பத்தில் ஒருவர் போலவே நேயர்கள் நினைக்கிறார்கள். இது எனக்கு ரொம்ப பிடித்திருக்கிறது என்கிறார்.

நன்றி: தினமலர்

**aanaa** · 18th May 2016, 06:27 PM

நான் ரொம்ப பாசமான பெண்! -பாசமலர் ஜீவிதா
தேவதை, ஆபீஸ், வைராக்கியம், கைராசி குடும்பம் என பல தொடர்களில் நடித்தவர் ஜீவிதா. தற்போது பாசமலர் தொடரில் உமா என்ற கேரக்டரில் நடித்து வருகிறார். அதோடு, என்று தணியும் படத்தில் நாயகியாக நடித்தவர், அடுத்தபடியாக ஒரு படத்தில் நாயகியாக நடிக்கவும் பேச்சுவார்த்தையில் இருக்கிறார்
இதுகுறித்து ஜீவிதா கூறுகையில், சீரியல்களைப்பொறுத்தவரை அழுத்தமான கதாபாத்திரங்களில் மட்டுமே நான் நடிக்கிறேன். ஆரம்பத்தில் இருந்தே நான் அப்படியே நடித்து வருவதால் வெயிட்டான வேடங்களாக இருந்தால் மட்டுமே டைரக்டர்கள் என்னை புக் பண்ணுகிறார்கள்.
மேலும் தற்போது நடித்து வரும் பாசமலர் சீரியலின் உமா கேரக்டர் தமிழ்நாட்டிலுள்ள பெரும்பாலான பெண்களை கவர்ந்துள்ளது. அந்த அளவுக்கு ஒரு செண்டிமென்டாக ரோலில் நடிக்கிறேன். மேலும், நான் என்னை சார்ந்தவர்களிடம் ரொம்ப பாசமாக இருப்பேன். அதைத்தான் சீரியல்களில் வெளிப்படுத்துகிறேன். அப்படி எனது இயல்புத்தன்மையை சீரியல்களில் வெளிப்படுத்துவதால் நேயர்கள் அதற்கு நல்ல வரவேற்பு கொடுக்கிறார்கள்.
மேலும், சீரியல்களைத் தொடர்ந்து சினிமாவில் என்று தணியும் என்ற படத்தில் நடித்தேன். அதையடுத்து இன்னொரு படத்திலும் நடிக்க பேசிக்கொண்டிருக்கிறேன். சீரியல்களைப்போன்று சினிமாவிலும் என் திறமைக்கு வேலை கொடுக் கும் கேரக்டர்களைத்தான் எதிர்பார்க்கிறேன். குறிப்பாக, என்னைப்பொறுத்த வரை சினிமா- சீரியல் இரண்டையுமே ஒரேமாதிரிதான் பார்க்கிறேன். திரை மட்டுமே வித்தியாசம். மற்றபடி நான் ஒரேமாதிரியான நடிப்பைத்தான் வெளிப்படுத்துகிறேன் என்கிறார் ஜீவிதா.

நன்றி: தினமலர்

**aanaa** · 18th May 2016, 06:29 PM

நடனப்பள்ளி நடத்தும் காயத்ரி
சின்னத்திரையில் நடிகையாகவும், தொகுப்பாளினியாகவும் வலம் வருகிறவர் காயத்ரி புவனேஷ். மற்றவர்கள் அறியாத இன்னொரு முகம் அவர் நல்ல நடன கலைஞர் என்பது. அதோடு லெட் டான்ஸ் என்ற நடன பள்ளியையும் நடத்தி வருகிறார். இதுகுறித்து அவர் கூறியதாவது
நடிப்பு என்பது பெண்களுக்கு சில காலம்தான். அது நிரந்தரமானதல்ல. நிரந்தர வருமானத்துக்கு ஏதாவது செய்ய வேண்டும் என்று யோசித்துதான் இந்த நடன பள்ளியை உருவாக்கினேன். யோகா மற்றும் பிட்னஸ் செண்டரும் நடத்துகிறேன்.ஆரம்பத்தில் லைவ் நிகழ்ச்சிகள் நடத்தினேன். அதன்பிறகு கனாகாணும் காலங்கள் சீசன் 4ல் நடித்தேன். இப்போது டாக் ஷோக்களுக்கு முக்கியத்தும் கொடுத்து வருகிறேன். அவ்வப்போது சினிமாவிலும் நடித்து வருகிறேன். என்கிறார் காயத்ரி

நன்றி: தினமலர்

**aanaa** · 18th May 2016, 06:30 PM

டி.வி.,க்காக படம் இயக்குகிறார் சுரேஷ்கிருஷ்ணா
பாட்சா, அண்ணாமலை படங்களை இயக்கியவர் சுரேஷ் கிருஷ்ணா, கடைசியாக பரத் நடிப்பில் ஆறுமுகம் படத்தை இயக்கினார். அதன் பிறகு சின்னத்திரைக்கு வந்த சுரேஷ் கிருஷ்ணா மகாபாரதம் தொடரை இயக்கினார். அதன் பிறகு சில மினி தொடர்களை இயக்கினார்.
தற்போது டி.வி.சேனல்களுக்கென்றே தனி திரைப்படங்களை இயக்குகிறார். ஹிட்லர் எங்கிருந்தோ வந்தான் என்பது படத்தின் தலைப்பு, ஜீ தமிழ் சேனலுக்காக இயக்கிய இந்தப் படத்தில் தேவயானி, டெல்லி கணேஷ், அர்ஜூன், விக்னேஷ் ஆகியோர் நடித்துள்ளனர். 2 மணி நேரம் 15 நிமிடம் ஓடக்கூடிய திரைப்படத்தை 9 நாளில் எடுத்து முடித்துள்ளார்.
இதுகுறித்து சுரேஷ் கிருஷ்ணா கூறும்போது: திறமையான பல திரைக் கலைஞர்கள் வேலை இல்லாமல் இருக்கிறார்கள், புதிய இளைஞர்கள் திறமையோடும், புதிய சிந்தனையோடும் வருகிறார்கள். அவர்களுக்கு வாய்ப்பு கிடைப்பதில்லை. அப்படிப்பட்டவர்கள் தங்கள் திறமையை வெளிப்படுத்த இத்தகைய திரைப்படங்கள் உதவும். சரியாக திட்டமிட்டால் 30 லட்சம் ரூபாய் ஒரு திரைப்படத்தை எடுத்து விட முடியும். என்கிறார் சுரேஷ் கிருஷ்ணா.

நன்றி: தினமலர்