SUNTV

The Hub : TV,TV Serials and Radio

Hello Guest, Login to post.

SUNTV

Topic started by aanaa on Fri Sep 1 12:30:12 2006. [Full View]

sun tv has changing the program without any notice
no body complain?
yesterday they had their news at 19.35 hrs instead 20.00 hrs.
whats their email ? has to express our concerns

| RSS Feed | Email me when a reply is posted

Responses:

Full Thread
From: R.Latha on Mon Apr 6 4:22:20 2009. [Full View]

நல்லவர்கள் ஜெயிப்பார்கள்

"ஒரு தாய்க்கும், மகளுக்கும் இடையே நடந்து கொண்டிருக்கும் உணர்வுபூர்வமான போராட்டத்தை படம்பிடித்துக் காட்டி வரும் "அரசி'' தொடர், சன் டிவியில் 550 எபிசோடுகளைக் கடந்திருக்கிறது..

எப்போதும் கெட்டவர்கள் ஜெயித்துக்கொண்டே இருக்கிறார்கள் என்று நினைக்கும் நேயர்களுக்கு நல்ல தம்பியின் கைது ஒரு பெரிய திருப்புமுனையாக அமைந்திருக்கிறது. நல்லதம்பி கைதான பிறகுவிளைவுகள் எப்படி இருக்கும் என்ற எதிர்பார்ப்பு ஒருபுறமிருக்க, மறுபக்கம் சரோஜினி எந்த கெட்டவரிடமும் சிக்கிக் கொள்ளாமல், செல்வியின் பாதுகாப்பு வளையத்திற்குள் வந்ததன் மூலம் நல்லவர்கள் தான் வாழ்வில் ஜெயிக்கிறார்கள் என்பது மீண்டும் நிரூபணம் ஆகியிருக்கிறது.

இந்த பரபரப்பான சம்பவங்களுக்கு நடுவே அரசி மூலம் அரசாங்கத்திடம் சரணடைந்த தீவிரவாதிகளுக்கு பொதுமன்னிப்பு கிடைத்ததா... அல்லது புதிய சிக்கல் அதில் முளைத்ததா போன்றவற்றிற்கும் விரைவில் `அரசி' தொடரில் விடை கிடைக்கும்'' என்கிறார், தொடரின் கிரியேட்டிவ் ஹெட் ராதிகா சரத்குமார்.

அவர் மேலும் கூறும்போது, `அரசி' புதிய பாணியில் அமைக்கப்பட்டிருக்கும் ஒரு குடும்பத் தொடர். பொது வாழ்க்கை, தனிப்பட்ட குடும்ப வாழ்க்கை என இரண்டு தரப்பிலும் `அரசி' கதாபாத்திரம் கோலோச்சுவதைக் காண முடியும். `அரசி'க்கு நெருக்கடி தரக்கூடிய விதத்தில் சில புதிய கேரக்டர்களும் தொடரில் இனி இடம் பெறப்போகிறார்கள். இவர்கள் இன்றைய உலகப் பொருளாதார சரிவில் சிக்கிக் கொண்ட நிஜ கதாபாத்திரங்களின் குணாதிசயத்துடன் அட்டகாசமாகப் பொருந்தி வருவர். இப்படி, சுவாரஸ்யமான புது கேரக்டர்களின் வரவால் `அரசி' இன்னும் மெருகேறி, கூடுதல் பொலிவுடன் வலம் வருவாள்!'' என்கிறார்.

திங்கள் முதல் வெள்ளி வரை தினமும் இரவு 9.30 மணிக்கு `அரசி'யை காணலாம்.

கதை: ஆர்.ராதிகா சரத்குமார். திரைக்கதை: ராஜ்பிரபு. வசனம்: லியாகத் அலிகான். இயக்கம்: பாலாஜி யாதவ்.

From: aanaa on Mon Apr 13 13:26:07 2009.

[Full View]

Quote:

செந்தூரப்பூவே...

திங்கள் முதல் வெள்ளி வரை தினமும் மதியம் 1.30 மணிக்கு சன் டிவியில் ஒளிபரப்பாகி வரும் ``செந்தூரப்பூவே'' தொடர் 150 எபிசோடுகளைக் கடந்து தொடர்ந்து கொண்டிருக்கிறது.

"பாசப்போராட்டத்திற்கு புதிய பரிமாணம் தரும் தொடர் இது. கதையின் நாயகியான புனிதா முதலாளி துரைராஜின் தொழில் ரீதியான தில்லுமுல்லுகளை அவரது பார்ட்னர் சூர்யாவிடம் தெரிவிக்கிறாள். இதனால் துரைராஜின் மாமியாரும் சூர்யாவின் அம்மாவுமான பொன்னம்மாளின் கோபத்திற்கு ஆளாகிறாள். இதையே காரணமாக வைத்து இனி வீட்டு சொந்தக்காரி பொன்னம்மாள் புனிதாவிற்கு என்னென்ன பிரச்சினைகளை ஏற்படுத்தப்போகிறாளோ என்பது ஒருபுறமிருக்க, சபலபுத்தியில் இருக்கும் துரைராஜிடம் இருந்து புனிதா எப்படி மீளப் போகிறாள் என்பது மறுபுறம்.

புதிதாக அறிமுகமாகியிருக்கும் தொழிலதிபர் கருணாகரன் குடும்பத்தைச் சுற்றியுள்ள பின்னணி என்ன? ஏற்கனவே மன உளைச்சலில் இருக்கும் வளர்மதிக்கு இன்னொரு சோதனை. கருணாகரனின் மகன் விவேக்கிற்கு பெண்பார்க்கும் படலம் அவளால் தடைபட்டுப் போகிறது. அதற்கு பரிகாரம் செய்ய வளர்மதி நினைக்கிறாள். அது அவளுக்கு வெற்றியாய் அமைகிறதா? அல்லது அதுவே அவளுக்கு பெரும் பாதகமாய் அமையப்போகிறதா?இதற்கிடையில் ஈஸ்வரியின் அரசியல் பிரவேச வெற்றிக்கு பிறகு தாதா தீனதயாளன் அவளை எதிர்கொள்ள முடியாமல் தன்னிடம் வேலைக்காரனாக இருந்த அவளது தம்பிக்கு தன் மகளை மணமுடித்து வைக்கப்போகிறானா? அல்லது ஈஸ்வரியின் சதித்திட்டங்களை முறியடிக்கப்போகிறானா?

யதார்த்தமான கதையமைப்பு, இயல்பான கதாபாத்திரங்கள், விறுவிறுப்பான காட்சிப்படுத்தல் இவையே தொடரின் சுவாரஸ்யத்திற்கு காரணம்'' என்கிறார் ராடன் நிறுவனத்தின் தயாரிப்பாளரும் ஹெட் ஆப் கிரியேட்டிவ்சுமான ராதிகா சரத்குமார்.

திரைக்கதை: முத்துச்செல்வம். வசனம்: வசுபாரதி. இயக்கம்: சக்தி பரமேஸ்வர்.

நன்றி: தினதந்தி

From: R.Latha on Mon May 4 6:13:52 2009. [Full View]

மேகலாவுக்கு திருமணம் நடக்குமா?

சன் டிவியில் திங்கள் முதல் வெள்ளி வரை தினமும் மாலை 6 மணிக்கு ஒளிபரப்பாகி வரும் "மேகலா'' தொடர் 500-வது எபிசோடை நெருங்கிக் கொண்டிருக்கிறது.

தொடரின் நாயகி மேகலாவின் திருமணம் பற்றிய காட்சிகள் சுழலத் தொடங்கியிருக்கின்றன. இதுபற்றி தொடரின் இயக்குனர் விக்ரமாதித்தன் கூறியதாவது:-

"மேகலாவை திருமணம் செய்து கொள்ளும் முடிவுடன் திட்டமிட்டு காய்களை நகர்த்துகிறான் அன்பு. அதற்காக அவன் தேர்ந்தெடுத்த நாடகம், மேகலாவின் காதலன் விஸ்வத்தின் விடுதலை. ஜெயிலில் இருக்கும் விஸ்வத்தை எப்படியாவது வெளியே கொண்டு வந்து அதன் மூலம் மேகலாவின் நல்லெண்ணத்தைப் பெறுவது அவன் நோக்கம். ஒருவேளை மேகலா - விஸ்வம் திருமணம் மணமேடை வரை வந்துவிட்டாலும், அங்கும் ஏதாவது குழப்பம் ஏற்படுத்தி திருமணத்தை நிறுத்தி மேகலாவுக்கு திடீர் மாப்பிள்ளை ஆகிவிட வேண்டும் என்பது அவன் திட்டம்.

அதோடு நில்லாமல் விஸ்வம் வெளிவந்த பிறகு அந்த ஒற்றுமைக் குடும்பத்துக்குள் பிளவு ஏற்படுத்தும் விதத்திலும் அவன் செயல்பாடுகள் தொடர்கின்றன.

ஒரு கட்டத்தில் அன்புவின் இந்த நாடகம் ஜெயிலில் இருந்து வந்த விஸ்வத்துக்கு தெரிய வருகிறது. இப்போது அவன் நடவடிக்கை என்னவாக இருக்கப் போகிறது?

பூபதி தனது தந்தையின் சின்ன வீட்டுப் பெண்ணை கொன்றதாக ஒரு பிரச்சினை பூகம்பம் கிளம்புகிறது. தங்கையை அவன் கோபத்தில் அடித்தபோது வாசலில் அடிபட்டு பேச்சு மூச்சற்றுப் போகிறாள். அதன் பிறகு அவள் இறந்ததாக பூபதி எண்ணி கலங்கிக் கொண்டிருக்க, அவள் இறக்கவில்லை. வேறொரு நோக்கத்தில் தலைமறைவாக இருக்கிறாள் என்பது பூபதியின் மனைவி கண்மணிக்கு தெரிகிறது. அவளை கண்டுபிடிக்கும் கண்மணி எடுக்கும் முடிவு என்ன?

வடிவின் தம்பி ஜெயிலில் இருந்து தப்பி விடுகிறான். அவன் வந்ததும் அவனை வைத்து பல விஷயங்களை முடிவெடுக்கத் துடிக்கும் வடிவு, அடுத்தகட்டமாக என்ன செய்யப்போகிறாள்?

இப்படி முடிச்சுகளுடன் தொடர்ந்து கொண்டிருக்கும் தொடரில் திடுக்கிடும் திருப்பங்கள் தொடர இருக்கின்றன.''

மேகலாவாக காயத்ரி, வடிவாக வடிவுக்கரசி நடிக்கிறார்கள். மற்றும் ராஜலட்சுமி, ராஜ்காந்த், ஸ்ரீவித்யா, ஸ்ரீ, பாவனா, வின்சென்ட்ராய், கவுதமி, எஸ்.ஐ.பாபு, ஸ்ரீலேகா ஆகியோரும் நடிக்கிறார்கள்.

தயாரிப்பு: `மெட்டிஒலி' சித்திக். இயக்கம்: விக்ரமாதித்த

From: aanaa on Sun May 17 8:33:07 2009.

[Full View]

Quote:

ஆவியை துரத்தப்போய்...

சன் டிவியில் ஒளிபரப்பாகி வரும் மேகலா தொடரில் சமீபத்தில் போலி சாமியார்பற்றிய காட்சி ஒளிபரப்பானது. அதில் செத்துப்போன விஜியின் ஆவி இருப்பதாக பயந்த வீட்டுக்காரர்கள் ஆவியை துரத்த மந்திரவாதி ஒருவரை அழைத்து வருகிறார்கள்.

வந்தவர் போலி ஆசாமி என்பது தெரியாமல் "ஆவியை என்ன பரிகாரம் செய்தால் விரட்டலாம்?''என்று கேட்கிறார்கள். அவரோ தனது வீட்டுக்குத் தேவையான அந்த மாத மளிகை ஜாமான்களை வாங்கிக்கொண்டு எஸ்கேப் ஆகிவிடுகிறார். ரசிகர்களிடம் பெருவாரியான வரவேற்பைப்பெற்ற இந்த காட்சி நல்லதொரு விழிப்புணர்வு பிரசாரமாகவும் அமைந்தது.

இதுபற்றி தொடரின் இயக்குனர் விக்ரமாதித்தனிடம் கேட்டால், "மக்கள் தங்களுக்கு ஒரு பிரச்சினை வரும்போது யார் என்ன சொன்னாலும் அப்படியே நம்பி விடுகிறார்கள். ஆவிகள் விஷயத்தில் இன்னும் நம்பி ஏமாந்து போகிறார்கள். இல்லாத ஆவியை இருப்பதாக நம்பும் மக்கள்இருப்பதுதான் தொடர்ந்து ஏமாற்றுபவர்களுக்கு கொண்டாட்டமாகி விடுகிறது. தொடரை பார்த்த பிறகாவது இதுமாதிரியானவர்கள் திருந்தினால் சரி'' என்கிறார்.

நன்றி: தினதந்தி

From: aanaa on Sun Jun 21 17:34:53 2009.

[Full View]

Quote:

200TH EPISODE OF SENTHURAPOOVAE

It is the story of love between four sisters. Punitha comes to city and she gets Rathnavel�s support and she stays in Ponnatha�s house. Punitha always expects good things to happen in her life but Ponnatha�s son-in-law Durai Raj madly falls in love with Punitha.
Surya who comes from Singapore comes to know through Punitha about Durairaj swindling money from the business runs by Surya. In the meanwhile Surya decides to marry Punitha. On coming to know the decision of Suseela decides to commit suicide because she loves him.
On knowing this, Punitha takes a vow to stay in a temple till the problems are settled down.The story goes around whether Punitha and Surya unites together.

The Story and direction are done by Sakthi Manohar. The serial is being telecast on all Mondays to Fridays at 1.30 PM through Sun TV Channel.

http://1.bp.blogspot.com/_zxFZ5P8Mv-E/Sjm2gk1n3iI/AAAAAAAADAQ/iCt-smuwjh0/s1600-h/senthoorapoove.jpg

From: aanaa on Sun Jul 5 8:34:50 2009. [Full View]

நாகவல்லி

ஞாயிறு தோறும் இரவு 9.30 மணிக்கு சன் டி.வி.யில் ஒளிபரப்பாகி வரும் பக்தி தொடர், `நாகவல்லி'.

நடராஜனுக்கு உதவி செய்ய பத்மாசூரனால் அனுப்பப்பட்ட அசுரனை அழிக்க நாகவல்லி இரு நாக கன்னிகளுக்கு உத்திரவிடுகிறாள்.

அசுரன் உண்ட களைப்பில் படுத்திருக்கிறான். விழித்தெழுந்தவனுக்கு மீண்டும் பசி ஏற்பட உண்பதற்கு ஏதாவது கிடைக்குமா என்று பார்க்க, நாக கன்னிகள் முயல்களாய் மாறி அவன் முன் வர, அவற்றை பிடித்து உண்கிறான். அவன் வயிற்றில் சென்ற நாக கன்னிகள் மீண்டும் தங்கள் சுய உருவை அடைந்து அவன் வயிற்றை கிழித்துக் கொண்டு வெளியில் வர, அசுரன் இறந்து போகிறான். நாக கன்னிகள் வெற்றியுடன் திரும்புகின்றனர்.

ஹேமாவை அழைத்துக் கொண்டு ஆதிசேஷன் நாகவல்லியின் கோவிலிருந்து புறப்படுகின்றான். அப்பொழுது ஹேமா மயங்கி விழ, நாகவல்லி கிழவியின் உருவில் வந்து அவளை பரிசோதித்து, ஹேமா தாய்மையடைந்திருப்பதாக கூறிச் செல்கிறாள்.

வீட்டில் நாகவல்லியின் சிலையில் பாம்பு வந்ததைக் கேள்விப்பட்ட அக்கம் பக்கத்தினர், இந்திராவின் வீட்டில் இருக்கும் நாகவல்லியின் சிலையை தரிசிக்க கூட்டம் கூடுகின்றனர். இதைக் கண்டு வேலு ஆத்திரம் கொண்டு அவர்களைத் துரத்துகின்றான்.

தொடருக்கு கதை,வசனம் எழுதி இயக்குபவர் பி.எஸ்.தரன். தயாரிப்பு: யு.டி.வி.
From: R.Latha on Wed Oct 21 5:36:56 2009. [Full View]

புனிதாவின் புதிய போராட்டம்

ராடன் டிவியின் தயாரிப்பில் ரசிகர்களின் மனதை கொள்ளை கொண்ட தொடராக சன் டிவியில் ஒளிபரப்பாகி வருகிறது "செந்தூரப்பூவே.'' கடந்த வெள்ளிக்கிழமையுடன் இது 304-வது எபிசோடை கடந்து இருக்கிறது!

"வரப்போகும் நாட்களில் இத்தொடரில் பரபரப்பான திருப்பங்கள் இடம் பெற இருக்கிறது'' என்கிறார் தொடரின் கிரியேட்டிவ் ஹெட்டான ராதிகா சரத்குமார்.

பெரும் போராட்டத்துக்கு இடையில் தனது தங்கை வளர்மதிக்கு திருமணம் செய்து வைக்கிறாள் புனிதா. வளர்மதி வாழ்விலும் பிரச்சினை எழுகிறது. அவள் கிராமத்தில் இளைஞன் ஒருவனிடம் நெருங்கிப் பழகி தனது வாழ்க்கையை தொலைத்து விட்டதை, வளர்மதியின் கணவனிடம் சொல்லிவிடப் போவதாக புனிதாவை மிரட்டுகிறான் உமாபதி என்ற கேடி.

சூர்யாவிடம் இருந்து புனிதாவைப் பிரித்துவிட துடிக்கும் சுசிலா, அவளது தந்தை துரையுடன் சேர்ந்து உறவாடிக் கெடுக்கத் திட்டமிடுகிறாள். திருந்தி விட்டது போல நடிக்கிறாள். புனிதாவை மாமியார் வீட்டுக்கு குடித்தனம் வர அழைக்கிறாள். சூர்யாவும் தாய் வீடு செல்ல விரும்புகிறான். சூர்யாவுக்காக மாமியார் வீடு செல்ல வேண்டிய நிலை ஏற்பட, மீண்டும் தனது தங்கைகளுக்கு ஆதரவு இல்லாமல் போய்விடுமோ? எனத் தவிக்கிறாள் புனிதா.

தன்னைப் பழி வாங்கத் துடித்த மாமியார் வீட்டிலேயே காலடி எடுத்து வைக்க வேண்டிய சூழ்நிலையில் புனிதா சந்திக்கப்போகும் புதிய போராட்டங்கள் என்ன?

புனிதாவை குறி வைக்கும் சுசிலா தனது நயவஞ்சக நாடகத்தில் புனிதாவை எப்படியெல்லாம் சிக்க வைத்தாள்?

இவர்களது சதித்திட்டத்தால் சூர்யா புனிதா வாழ்க்கை என்னவாயிற்று?

இத்தனை கேள்விகளுக்கும் வரும் நாட்களில் விடை கிடைக்கும்.

இத்தொடரில் விசு, நரசிம்மராஜ�, மனோகர், ஷ்ரவன், வின்சென்ட்ராய், ரஞ்சனி, கிருஷ்ணன், யுவராணி, ரவீந்திரா, ஜானகி ஆகியோர் நடிக்கின்றனர்.

திரைக்கதை: முத்துச்செல்வன், வசனம்: வசுபாரதி, ஒளிப்பதிவு: அனில்ஹாஸ். இயக்கம்: பரமேஷ்வர்.

தயாரிப்பு: ராடன் மீடியா ஒர்க்ஸ் இந்தியா லிமிடெட்.

புனிதாவின் புதிய போராட்டம்

ராடன் டிவியின் தயாரிப்பில் ரசிகர்களின் மனதை கொள்ளை கொண்ட தொடராக சன் டிவியில் ஒளிபரப்பாகி வருகிறது "செந்தூரப்பூவே.'' கடந்த வெள்ளிக்கிழமையுடன் இது 304-வது எபிசோடை கடந்து இருக்கிறது!

"வரப்போகும் நாட்களில் இத்தொடரில் பரபரப்பான திருப்பங்கள் இடம் பெற இருக்கிறது'' என்கிறார் தொடரின் கிரியேட்டிவ் ஹெட்டான ராதிகா சரத்குமார்.

பெரும் போராட்டத்துக்கு இடையில் தனது தங்கை வளர்மதிக்கு திருமணம் செய்து வைக்கிறாள் புனிதா. வளர்மதி வாழ்விலும் பிரச்சினை எழுகிறது. அவள் கிராமத்தில் இளைஞன் ஒருவனிடம் நெருங்கிப் பழகி தனது வாழ்க்கையை தொலைத்து விட்டதை, வளர்மதியின் கணவனிடம் சொல்லிவிடப் போவதாக புனிதாவை மிரட்டுகிறான் உமாபதி என்ற கேடி.

சூர்யாவிடம் இருந்து புனிதாவைப் பிரித்துவிட துடிக்கும் சுசிலா, அவளது தந்தை துரையுடன் சேர்ந்து உறவாடிக் கெடுக்கத் திட்டமிடுகிறாள். திருந்தி விட்டது போல நடிக்கிறாள். புனிதாவை மாமியார் வீட்டுக்கு குடித்தனம் வர அழைக்கிறாள். சூர்யாவும் தாய் வீடு செல்ல விரும்புகிறான். சூர்யாவுக்காக மாமியார் வீடு செல்ல வேண்டிய நிலை ஏற்பட, மீண்டும் தனது தங்கைகளுக்கு ஆதரவு இல்லாமல் போய்விடுமோ? எனத் தவிக்கிறாள் புனிதா.

தன்னைப் பழி வாங்கத் துடித்த மாமியார் வீட்டிலேயே காலடி எடுத்து வைக்க வேண்டிய சூழ்நிலையில் புனிதா சந்திக்கப்போகும் புதிய போராட்டங்கள் என்ன?

புனிதாவை குறி வைக்கும் சுசிலா தனது நயவஞ்சக நாடகத்தில் புனிதாவை எப்படியெல்லாம் சிக்க வைத்தாள்?

இவர்களது சதித்திட்டத்தால் சூர்யா புனிதா வாழ்க்கை என்னவாயிற்று?

இத்தனை கேள்விகளுக்கும் வரும் நாட்களில் விடை கிடைக்கும்.

இத்தொடரில் விசு, நரசிம்மராஜ�, மனோகர், ஷ்ரவன், வின்சென்ட்ராய், ரஞ்சனி, கிருஷ்ணன், யுவராணி, ரவீந்திரா, ஜானகி ஆகியோர் நடிக்கின்றனர்.

திரைக்கதை: முத்துச்செல்வன், வசனம்: வசுபாரதி, ஒளிப்பதிவு: அனில்ஹாஸ். இயக்கம்: பரமேஷ்வர்.

தயாரிப்பு: ராடன் மீடியா ஒர்க்ஸ் இந்தியா லிமிடெட்.

கஹசூஞ் க்க்ஷகூஞ்க்க்ஷ ஸட் த.கஹஞ்குஹ ச்ஙூ ஙச்ஙூ சச்ஞீ 02, 2009 3:15 சிஙு; க்க்ஷகூஞ்க்க்ஷ 1 ஞ்கூஙுக் கூஙூ ஞ்ச்ஞ்ஹஙீ
From: R.Latha on Mon Nov 2 3:13:56 2009. [Full View]

``உறவுகள்-100''

சன் டிவியில் திங்கள் முதல் வெள்ளி வரை தினமும் மதியம் 12 மணிக்கு ஒளிபரப்பாகி வரும் `உறவுகள்' தொடர் நூறு எபிசோடுகளை தாண்டியிருக்கிறது. கூட்டுக்குடும்பத்தின் அவசியத்தை உணர்த்தும் வகையில் அமைந்திருக்கும் இந்தக்கதையின் போக்கு, ரசிகர்களிடையே ஏகோபித்த வரவேற்பை தொடருக்கு பெற்றுத் தந்திருக்கிறது.

இத்தொடருக்காக புதிய பாடல் ஒன்று சமீபத்தில் பதிவு செய்யப்பட்டு உள்ளது. இது பற்றி தொடரின் இயக்குனர் ஹரிபாபுவிடம் கேட்டபோது... "உண்மைதான்... உறவுகள் தொடரின் மிக முக்கியமான கதாபாத்திரம் அண்ணாமலை. எந்த சக்தியாலும் தன் கூட்டுக் குடும்பம் உடைக்கப்பட்டு விடக்கூடாது என்பதில் மிக உறுதியாய் இருப்பவர். இதுவரை வந்த பல சோதனைகளையும் தாண்டி அமைதியாய் தன் கூட்டுக்குடும்பத்தை வழி நடத்தி சென்று கொண்டு இருக்கிறார். அப்படிப்பட்டவருக்கு தன் குடும்பத்தை விட்டு வெளியேறும் கட்டாயம் ஒன்று உருவாகிறது. அதை இன்முகத்தோடு ஏற்றுக்கொண்டு அவர் வீட்டை விட்டு வெளியேறும் காட்சியில் வசனங்களை மீறி அவர் உணர்வை வெளிப்படுத்த எங்களுக்கு இந்த பாடல் தேவையாய் இருந்தது. இதுவரை திரைப்படங்களில் மட்டும் சோகப் பாடலை பார்த்து நெஞ்சம் நெக்குருகிய ரசிகர்களை இந்த பாடலும் அதன் இசையும் மிகவும் நிச்சயம் உருக்கும். விஜய் ஜேசுதாஸின் குரலில், ரமேஷின் இசையில் பதிவு செய்யப்பட்ட இந்தப்பாடல் ஏற்கனவே நித்யஸ்ரீ பாடி டைட்டில் பாடலாகஅமைந்த பாடலின் இன்னொரு பதிப்பு என்றும் சொல்லலாம். அது கலகலப்பு என்றால் இது சோக மெலடி'' என்கிறார் இயக்குனர்.

உறவுகள் தொடரில் பீலிசிவம், அமரசிகாமணி, ஸ்ரீகுமார், ராஜ்காந்த், ராமச்சந்திரன், வின்சென்ட்ராய், அர்ச்சனா கிருஷ்ணப்பா, துர்க்கா, ராஜேஸ்வரி, ரேவதிசங்கர், நித்யா, சிவகவிதா, சுதா, ஆர்த்தி, கல்பனா, ஜெ.லலிதா, ஜெயந்த் மற்றும் பலர் நடித்து உள்ளனர்.

திரைக்கதை - குமரேசன். வசனம்-பாலசூர்யா. ஒளிப்பதிவு: தண்டபாணி. இயக்கம்: ஹரிபாபு.

தயாரிப்பு: சேன் மீடியா.
From: R.Latha on Mon Nov 2 3:16:38 2009. [Full View]

டைட்டில் பாடலுக்குத்தான் அதிக உழைப்பு!

சின்னத்திரையில் `ஆளவந்தார் கொலைவழக்கு,' `வசந்தம் காலனி, புனிதபூமி, தர்மயுத்தம், துப்பறியும் சோழன், நிறங்கள், வண்ணவண்ணபூக்கள், காவ்யா, குல விளக்கு, ஜென்மம் எக்ஸ், ஷியாமளா, குடும்பம் ஒரு கோயில் என்று 75-க்கும் மேற்பட்ட மெகா சீரியல்களுக்கு இசை யமைத்தவர் `கலைமாமணி' அரவிந்த் சித்தார்த்தா. பெரிய
திரையிலும் காவியத்தலைவன், முற்றுகை, வள்ளிவரப்போறா, ராஜாளி, எங்கிருந்தாலும் வாழ்க, பயம் போன்ற எண்ணற்ற திரைப்படங்களுக்கு இசையமைத்தவர். இப்போதும் 5 படங் களில் இசையமைப்பைத் தொடர்ந்து கொண்டிருப்பவர்.

"பெரியதிரை, சின்னத்திரை இசையமைப்பில் என்ன வித்தியாசம்?''

இசையமைப்பாளர் அரவிந்த் சித்தார்த்தாவைக் கேட்டால்...

"திரைப்படங்களுக்கு இசையமைக்கும் போது இயக்குநர், கதாசிரியர், பாடலாசிரியர் ஆகியோருடன் படத்தின் கதையையும், காட்சிகளின் அமைப்புகளையும் நன்கு கலந்தாலோசிப்பேன்.

மெகா சீரியல்களுக்கு இசையமைக்கும் வாய்ப்புகள் கிடைக்கும் போது முதலில் `டைட்டில் பாடல்' கம்போசிங்கின் போது மண்டையை உடைத்துக் கொள்ளாத குறையாக பலநாட்கள் செயல்படுவேன்.

ஏகப்பட்ட டி�ன்களை கம்போஸ் செய்து தயாரிப்பாளர்கள், இயக்குநர், பாடலாசிரியர் என்று எல்லோருக்கும் பிடிக்கும் வண்ணம் முடிவாக ஒரு டி�னில் பாட்டை கம்போஸ் செய்து கொடுப்பேன்.

மெகாசீரியலுக்கு டைட்டில் பாடல் மிக முக்கியமாச்சே. அதன் பிறகு தினமும் சுடச்சுட ஷூட்டிங் முடிந்த கையோடு எடுக்கப்பட்ட காட்சிகளுக்கு ரீ-ரிக்கார்டிங் செய்வேன். இந்த அனுபவம் கொஞ்சம் திரில்லிங்காகவே இருக்கும்.''

அரசியல் கட்சிகளின் கொள்கைப் பாடல்களுக்கும் இசையமைத்திருக்கிறீர்களே?''

"தேர்தல் சமயத்தில் முதல்வர் கலைஞர் எழுதிய `தீட்டிய வாளை ஒத்த மீசை கொண்ட திராவிட காளையே புறப்படுக' என்ற பாடலை எடுத்துக் கொண்டு இயக்குனர் அமிர்தம் என்னை சந்தித்தார்.

தேர்தல் கால அவசரத்தை புரிந்து கொண்டு உடனடியாக புஷ்பவனம் குப்புசாமியை வரவழைத்தேன். காலையில் ஆரம்பித்து இரவு 9 மணிக்கு பாடலை கம்போஸ் செய்து முடித்தேன்.

அப்போது கலைஞரிடமிருந்து போன் வந்தது. பாட்டை கேட்க வேண்டும் என்று கூறிவிட்டார். அமிர்தம் சாரும், நானும் இரவு ஒரு மணிக்கு கலைஞரிடம் கேசட்டை எடுத்துச் சென்று போட்டுக் காட்டினோம். உற்சாகமாய்க் கேட்டு ரசித்து பாராட்டினார்.

இரவு ஒரு மணிக்கு தான் எழுதிய பாட்டிற்கு இசையமைப்பும், பாடகரின் வார்த்தை உச்சரிப்புகளும் சரியாக இனிமையாக இருக்கிறதா என்று கேட்டுவிட்டு தூங்கச் சென்ற கலைஞர் அவர்களின் ஆர்வத்தையும், என் இசையமைப்பை அவர் பாராட்டியதையும் என் வாழ்நாளில் மறக்கவே முடியாது.''

பத்தாவது ஆண்டில் `கல்யாண மாலை'

ஞாயிறுதோறும் சன் டி.வியில் காலை 8 மணிக்கு ஒளிபரப்பாகி வரும் `கல்யாணமாலை' நிகழ்ச்சியின் 10-வது வருட துவக்கம், கல்யாண மாலை மூலம் நடந்தேறிய 1 லட்சம் சாதனைத்திருமணங்கள் இந்த இரண்டுக்குமான கொண்டாட்டம் சென்னையில் நடந்தது.

சென்னை காமராஜர் அரங்கில் நடந்த இந்த விழாவுக்கு மத்திய ஒலிபரப்புத்துறை இணை அமைச்சர் ஜெகத்ரட்சகன் தலைமையேற்றார். ஆர்.எம்.கே.வி. நிர்வாக இயக்குநர் சிவகுமார் குத்து விளக்கேற்றி விழாவினைத் துவக்கி வைத்தார்.

எம்.சரவணன், பேராசிரியர் சாலமன் பாப்பையா, ராஜா, சென்னை துணைமேயர் சத்யபாமா வாழ்த்திப் பேசினார்கள். பிரமிட் நடராஜன் வரவேற்று பேசினார்.

நிகழ்ச்சியின் இயக்குநர் மீரா நாகராஜன் `கல்யாணமாலை 10 வருடங்கள்' என்ற தலைப்பில் பேசினார். `கல்யாணமாலை' மோகன் நன்றி கூறினார். கல்யாணமாலை மூலம் நிச்சயமான ஒரு லட்சமாவது திருமணஜோடி புனிதா-உதயகுமார். இதற்காக புனிதாவின் பெற்றோருக்கு நினைவுப் பரிசுகள் வழங்கப்பட்டன.

தொடர்ந்து கங்கை அமரன் தலைமையில் மாணிக்க விநாயகம், மாலதி உள்ளிட்ட பிரபல பின்னணி பாடகர்கள் கலந்துகொண்ட பட்டிமன்றம் நடைபெற்றது.

இந்த நிகழ்ச்சி நாளை முதல் தொடர்ந்து 7 வாரங்கள் ஞாயிறுதோறும் சன் டிவியில்
ஒளிபரப்பாக இருக்கிறது.

http://www.dailythanthi.com/muthucharam/home/second_page.asp?issuedate=10/31/2009&secid=9
From: R.Latha on Wed Nov 11 3:48:15 2009. [Full View]

டீலா நோ டீலா

சன் டிவியில் சனி மற்றும் ஞாயிற்றுக்கிழமைகளில் இரவு 8.30 மணிக்கு ஒளிபரப்பாகி வரும் நிகழ்ச்சி, `டீலா நோ டீலா.'

மொத்தம் 26 வாரங்கள் ஒளிபரப்பாகவிருக்கும் இந்த நிகழ்ச்சியில் 26 சூட்கேஸ்களை 26 மாடல்கள் வைத்திருப்பர்.அந்த சூட்கேஸ்களில் ரூ.1 தொடங்கி 50 லட்சம் வரை வைக்கப்பட்டிருக்கும். எந்த சூட்கேசில் எவ்வளவு என்பது தெரியாத நிலையில் ,போட்டியில் கேட்கப்படும் கேள்விக்கு சரியான பதில் சொல்பவர் இந்த 26 சூட்கேஸ்களில் ஒன்றைத் தேர்வு செய்ய வேண்டும். அப்படி தேர்ந்தெடுக்கும் பெட்டியில் எவ்வளவு பணம் இருக்கிறது என்பது நிகழ்ச்சியில் கலந்து கொள்ளும் போட்டியாளருக்குத் தெரியாது. அதனால் போட்டியின் சுவாரசியம் இங்கே ஆரம்பம்.

முதல் சுற்றில் 6 சூட்கேஸ்கள் திறக்கப்படும். தான் தேர்ந்தெடுத்த சூட்கேசில் எவ்வளவு தொகை இருக்கும் என்பது தெரியாத போட்டியாளர்களிடம் இப்போது நடுவர் தனது பேரத்தை தொடங்குவார். "இந்த சூட்கேசில் உள்ள தொகைக்கு பதிலாக இவ்வளவு தொகையை வாங்கிக்கொண்டு விலகிக் கொள்கிறீர்களா?'' என்று அவர் போட்டியாளரிடம் கேட்பார். ஒருவேளை சூட்கேசில் இருப்பது ஒரு ரூபாயாக இருந்தால் என்ன செய்வது என்று யோசிக்கும் போட்டியாளர், நடுவர் தருவதாக சொல்லும் அதிக பட்ச தொகையை ஏற்றுக் கொள்வதாக அறிவித்துவிட்டு போட்டியில் இருந்து விலகிக் கொள்வார். இல்லையேல் ஆட்டத்தை தொடர்வார்.

கலந்துரையாடல், நாடகம், பஞ்ச் டயலாக் என போட்டியாளர்களின் திறமையை வெளிக்கொணரும் விதத்தில் போட்டிகள் நடக்கும். நிகழ்ச்சியை தொகுத்து வழங்குபவர் நடிகர் ரிஷி. இவர் ஆனந்த தாண்டவம் படத்தில் இரண்டு நாயகர்களில் ஒருவராக நடித்தவர்.

| RSS Feed | Email me when a reply is posted

Want to post a response?

(Hello Guest, you need to Login to post a response. Are you a New User? Register first.)

Back to TV,TV Serials and Radio forum