Chellamay - Sun TV

The Hub : TV,TV Serials and Radio

Hello Guest, Login to post.

Chellamay - Sun TV

Topic started by jovemac on Sat Sep 12 15:28:18 2009. [Full View]

ராதிகா சரத்குமார், ராதா ரவி, டெல்லி கணேஷ், வாசு விக்ரம், ராஜ் கமல், மோகினி, சுபாஷினி, சோனியா, லதா ராவ் மற்றும் பலர்... நடித்து தீனாவின் இசையில் ஜவகர் இயக்கத்தில் செப். 14,2009 முதல் ஓளிபரப்பாகவிருக்கும் ராடான் மீடியா ஒர்க்ஸின் அடுத்த படைப்பு!

செல்லமே

| RSS Feed | Email me when a reply is posted

Responses:

Full Thread
From: saradhaa_sn on Wed Sep 16 4:30:49 2009. [Full View]

sudha india wrote:

Saw the first episode.

However made up, Sakshi Siva looks younger than Radhika....

Husband wife madhiri illama, akka thambi madhiri irukanga

இந்தக்கொடுமை இப்போ இரண்டாவது தடவை...

ஏற்கெனவே 'அண்ணாமலை'யில் ஷியாம்கணேஷ் ஜோடியாக ராதிகா நடித்தபோது இதே அக்கா-தம்பி நெருடல் ஏற்பட்டது. சிவகுமார் (சித்தி), வேணு அர்விந்த் (செல்வி & அரசி) பொருந்திய அளவுக்கு மற்றவர்கள் பொருத்தமாக இல்லை. ராதிகாவின் முகத்தில் முதுமை நன்றாக தெரிகிறது.

இன்னும் சொல்லப்போனால், வயதான ராதிகாவுக்கு ஜோடியாக வந்த சிவசந்திரன் மட்டுமே பாந்தமாக பொருந்தினார்.

நேற்றைய எபிசோட் மூலம் செல்லம்மா தம்பதிக்கு குழந்தைகள் இல்லையென்று தெரிகிறது. நேற்று கோயிலில் அன்னதானக் காட்சியே ரொம்ப நேரத்தை எடுத்துக்கொண்டது. சாப்பிட்ட ஒவ்வொருவரும் சாப்பாட்டை வெகுவாகப்புகழ்கிறார்கள். அவர்கள் பேச்சிலிருந்து, செல்லம்மா குடும்பத்துக்கு சென்னையில் பெரிய ஓட்டல் இருப்பது தெரிகிறது. முடிவில் செல்லம்மா யாரோ ஒரு சடையாண்டியைப்பார்த்து சந்தேகத்துடன் நோக்க, உடனே அவர் ஓட, செல்லம்மா துரத்த, பின்னாலேயே குடும்பத்து ஆண்கள் விரட்டிக்கொண்டு ஓட, இவர்கள் ஓட, அவர்கள் ஓட..... இவர்கள் ஓட, அவர்கள் ஓட..... இவர்கள் ஓட, அவர்கள் ஓட..... இவர்கள் ஓட, அவர்கள் ஓட..... இவர்கள் ஓட, அவர்கள் ஓட..... (மெகா சீரியலில் ஒரு வசதி.. எந்தக்காட்சியையும் எவ்வளவு நீளத்துக்கும் இழுக்கலாம்) 'தொடரும்' போட வேண்டிய நேரம் வந்துவிட்டதால், ஒருவழியாக ராதிகா அவரை எட்டிப்பிடிக்க, அவர் திரும்பி முகத்தைக்காட்ட செல்லம்மா முகத்தில் கடும் அதிர்ச்சி
From: jovemac on Thu Sep 17 0:22:45 2009. [Full View]

நேற்றும் அந்த ஓட்டம் தொடர்ந்து அவனை பிடித்து அவன் முகத்தினை பார்த்த ராதிகாவுக்கு பலத்த அதிர்ச்சி... ஆம் அவர் தான் கல்யாணமான இரண்டாம் நாளே ஓடிப்போன தம்பி i.e வள்ளியாரை யின் கணவர்.

அவரை பிடித்து உடனே சிகை அலங்காரம்... மற்றும் டிங்கரிங் செய்து பட்டி பார்த்து பட்டுவேட்டி சட்டையுடன் அணியில் நிற்கிறார்...
From: R.Latha on Wed Sep 23 3:15:06 2009. [Full View]

'அரசி' climax

எதிர்பார்த்தது போலவே கொஞ்சம் ஏமாற்றமான 'சப்'பென்ற முடிவு. விஸ்வநாத்னைப்பிடித்து சட்டத்தின் முன் ஒப்படைத்து தண்டனை வாங்கிக்கொடுப்பார என்று பார்த்தால், விஸ்வநாதனைச் சுட்டுக்கொல்வதற்கா இத்தனை ஆர்ப்பாட்டம்?. அதை எப்போதோ செய்திருக்கலாமே?. அரசியின் முன் பலமுறை வந்துபோனாரே. கதையில் ஜீரணிக்க முடியாத இன்னொரு விஷயம், விஸ்வநாதன் தனக்கு பலமுறை துரோகம் செய்த ஜி.ஜே.யை ஒன்றும் செய்யாமல் விட்டு விட்டு, அவருக்கு பலமுறை உறுதுணையாக இருந்த சிங்கபெருமாளை (Liakath Ali Khan) சட்டென்று சுட்டுக்கொன்றது. (ஜி.ஜே.யை சும்மா விட்டது, கடைசிக் காட்சியில் செல்வியை சிரித்த முகத்தோடு காண்பிக்க வேண்டுமென்பதற்காகவா?).

கடைசிக்காட்சிகளில் வந்த செயற்கை மழை, செயற்கைப்புயல், எல்லாம் சினிமா கிளைமாக்ஸை நினைவூட்டியது. காவேரியின் கல்யாணத்தோடு கதையை முடித்துவிட்டார்கள். மகன் மகள், மருமகள் எல்லாம் அரசியிடம் பாவமன்னிப்பு பெற்றார்கள். அரசி ராதிகா, முதல்வர் கலைஞர் கையால் பதக்கம் பெறுவதுபோன்ற 'ஒட்டவைத்த' காட்சிகள் நம மனதில் ஒட்டவில்லை, அதிகப்படியாகத்தெரிந்தது.

கதையில் பல இடங்களில் அறுத்துவந்த லதாவும் அனுராதா கிருஷ்ணமூர்த்தியும் கடைசிக்காட்சிகளில் அடக்கி வாசித்தனர். கதை முழுக்க கலக்கி வந்த ஜி.ஜே.யை (Venu Arvindh)கடைசியில் பைத்தியமாகப்புலம்ப விட்டது ஏமாற்றமளித்தது.

நிறைய கதாபாத்திரங்கள் என்னவானார்கள் என்பது தொங்கலிலேயே விடப்பட்டது.....

மொத்தத்தில் எதையாவது பண்ணி எப்படியாவது முடிக்க வேண்டும் என்ற குழப்பம் தெரிந்தது. அது சரி, அவர்களுக்கு என்னென்ன பிரச்சினைகளோ...

_________________
From: R.Latha on Tue Oct 6 2:11:28 2009. [Full View]

valliyammai,muthazagu both are anti heroines. sellammavai oram katta ninaikkirargal. Netraiya eposode;
pearapillaigal aavudaiyappan thathavukku cycle katru kodukka avar keelea vizhunthu kaalil sirukaayam pada doctor udane vara, doctor said, neengal call panniyirunthal podhum. naan medicine solliyirupean endru solgirar. intha visayam therinthu sellamma, thaalaiyama pathari ennanea ipadiyachu endru iruvarum padhara,engal kudumbamea ungalai parka varugirathu endru sonnathum chiken, fish ellam cook seithu ellorukkum virunthu koduka solgirar.

iru marumagalum kitchenil, sellam vegetable cutting, perangal thaatha pakkathil irukka thaatha kadhai sollum bodhea thadumaari muchadaithu mayakkamadaiya, perangal satham poda anaivarum ange vara aavudai mugathai matum kaanbithu thodarum pottu vittargal.
From: R.Latha on Tue Oct 13 0:59:05 2009. [Full View]

உழைப்பால் உயரும் செல்லம்மா!

திங்கள் முதல் வெள்ளி வரை தினமும் இரவு 9.30 மணிக்கு சன் டிவியில் ஒளிபரப்பாகிவரும் தொடர் `செல்லமே.'

ஆவுடையப்பன், தாழையம்மா இருவரும் அண்ணன், தங்கை. ஆவுடையப்பன் தன் தங்கை மீது மிகுந்த பாசமுடையவர்.

சென்னையில் சிறிய தள்ளுவண்டி உணவகம் ஒன்றை நடத்தி வருகிறார். ஆவுடையப்பன் அவருடைய நெருங்கிய நண்பர் தவசி, நளபாகனாக வேலை செய்வதுடன், அதற்கு ஊதியமும் பெற்று வருகிறார்.

தன் தங்கை தாழையம்மாவிடம் உணவு விடுதியை விரிவுபடுத்தும் திட்டத்தைக் கூற, தன்னிடமுள்ள நகை மற்றும் பணத்தைக் கொடுத்து உதவுகிறார் அவர். தன்னுடைய ஒரே மகளின் பெயரில் `செல்லம்மா உணவகம்' என்ற ஓட்டலைத் தொடங்கி, தன் அயராத உழைப்பால் பல கிளைகளைத் தொடங்கி உயர்ந்த நிலையை அடைகிறார் ஆவுடையப்பன். இதைப் பார்க்கும் நண்பர் தவசிக்குள் தன் மகனுக்கு செல்லம்மாளை திருமணம் செய்துவைத்து மொத்த சொத்தையும் தனதாக்கும் எண்ணம் ஓடுகிறது.

ஆனால் நடந்தது வேறு. ஆவுடையப்பன் தன் மகளை தங்கைமகன்வடமலைக்குத் திருமணம் செய்து வைப்பதுடன், ஓட்டலையும் சீதனமாகத் தருகிறார்.

இதைக் கண்டு ஆவுடையப்பனின் பழைய நண்பர் தவசி, செல்லம்மாவையும், வடமலையையும் எப்படியாவது பிரித்து, செல்லம்மாவை தன் மகனுக்கு மறுமணம் செய்து வைத்தாவது சொத்துகளைப் பெற வேண்டும் என முடிவெடுக்கிறார்.

தவசியின் சதியால் ஆவுடையப்பனின் மூத்த மகன் கொல்லப்படுகிறான். பழி செல்லம்மாவின் கணவர் மீது விழ, தூக்குதண்டனை விதிக்கப்படுகிறது. மிகுந்த போராட்டங்களுக்கு இடையே தன் கணவர் குற்றமற்றவர் என நிரூபிக்கும் செல்லம்மா, தவசிதான் குற்றவாளி என்பதைக் கண்டுபிடிப்பதுடன், தவசியின் போலியான முகத்திரையைக் கிழித்து தன் தந்தைக்கு உண்மையை உணர்த்துகிறாள். பிரச்சினைகளை சமாளித்து, பிரிந்த குடும்பத்தை செல்லம்மா இணைக்கும் நிலையில் பயணிக்கிறது கதை.

ராதிகாவின் ராடன் நிறுவன தயாரிப்பு இது.

இயக்கம்: ஜவகர்.
From: saradhaa_sn on Tue Oct 13 4:09:03 2009. [Full View]

அட, கதை முழுக்க வெளியாயிடுச்சா..?. அதிசயமா இருக்கே. வழக்கமா சீரியல் நகர, நகரத்தான் கதையை வளர்த்துக்கிட்டே போவாங்க. இப்போ சொன்ன கதைப்படிப் பார்த்தால், கடற்கரை மாமா (ராதாரவி) இடையிலேயே சாகப்போகிறாரா?. அப்படீன்னா, இனிமேல் இந்த சீரியலில் அவரைப் பார்க்கும்போதெல்லாம் பரிதாபம் வரும்.

'செல்லமே'வும் வழக்கமான சீரியல் இலக்கணப்படிதான் நகர்கிறது. தான் விரும்பும் ஒருவனுக்கு கல்யாணம் நிச்சயம் ஆகும்வரை, வாயில் கொழுக்கட்டை வைத்திருந்த நீலிமா, அவனுக்கு இன்னொருத்தியுடன் நிச்சயம் ஆனபின், கல்யாணத்தை நிறுத்த முயற்சிக்கிறாளாம். அதற்கு அண்ணி செல்லம்மாவும் உறுதியளித்துவிட்டாள்.

இன்னொரு பக்கம், காலம்காலமாக சீரியல் கதாசிரியர்கள் கடைபிடிக்கும் முறையான, 'ஏற்கெனவே திருமணம் ஆன ஒருத்தனை விரும்புவது' என்ற இலக்கணப்படி, செல்லம்மாவின் கணவன் வடமலையை கோமதி (கிருத்திகா) விரும்புகிறாள். இது தவசிமாமா (டெல்லிகணேஷின்) ஏற்பாடாம்.
From: R.Latha on Fri Oct 23 2:55:39 2009. [Full View]

கிருத்திகா- --------------------------------- கோமதி
From: R.Latha on Fri Oct 23 2:56:46 2009. [Full View]

anybody know another name and stories
From: saradhaa_sn on Sat Nov 7 7:14:42 2009. [Full View]

அறுக்க ஆரம்பிசுட்டாங்கப்பா...

ஆரம்பத்தில் செல்லம்மா (ராதிகா) வின் கேரக்டர் தன்மை தெரியாததால் கொஞ்சம் பிடிபடாமல் இருந்தது. இப்போ ராதிகா மேடம் வழக்கமான பாதைக்கு திரும்பிட்டாங்க. அதென்ன வழக்கமான பாதை..?. அதாவது...

** சீரியல் மெயின் கதாநாயகி என்றால் அவர்களுக்கென்று விருப்பு வெறுப்புக்கள் இருக்காது.

** தியாகத்தின் மறு உருவமாகக் காட்சியளிப்பார்கள். குடும்பத்தின் (பிறந்த வீடு, புகுந்த வீடு) அத்தனை பிரச்சினைகளையும் தன் தலையில் இழுத்துப்போட்டுக்கொள்வார்கள்.

** மற்ற ஆண், பெண் கேரக்டர்களெல்லாம் டம்மியாக இருக்க, இவங்கதான் எல்லாத்திலேயும் தலையிடுவாங்க. தீர்த்து வைப்பாங்க.

** புகுந்த வீட்டில் நாத்தனாருக்கு ஏதேனும் பிரச்சினையென்றால் (குறிப்பாக காதல் பிரச்சினை) தடிமாடு மாதிரி மாதிரி இருக்கும் தன் கணவனிடம், (அதாவது நாத்தியின் அண்ணனிடம்) வாயே திறக்க மாட்டாங்க. இவங்க்ளே ரகசியமாக செயல்படுவாங்க.

**அது சம்மந்தமாக தன்மீது விழும் சந்தேகப் பழிகளனைத்தையும் இவங்களே தாங்கிக்குவாங்க. அது விஷயமா யார் எது கேட்டாலும் வாய்திறந்து பதில் சொல்ல மாட்டாங்க.

** மொத்தத்தில் சராசரி மனுஷியாக இல்லாமல், வானத்திலிருந்து 'தொக்கடீர்னு' குதித்த அதிசயப்பிறவியாக காட்சி தருவாங்க....

போதும் ராதிகா மேடம், போதும். சிரீயல் நாயகிகளை தியாகசீலிகளாகப் பார்த்து பார்த்து அலுத்துப்போச்சு. கொஞ்சம் ப்ராக்டிகலாக வாங்க. உங்க நாத்தனாரின் பிரச்சிகளை உங்க கணவனிடம் சொல்லுங்க. பிறந்ததிலிருந்தே அவள் அவனுக்கு தங்கை, நீங்கள் புகுந்த பிறகுதான் உங்களுக்கு நாத்தி.

உங்க கேரக்டரைவிட மாளவிகாவும், சுபாஷினியும், சினேகா நம்பியாரும் எங்கள் மனதைக்கவருகிறார்கள். காரணம், அவங்க கேரக்டர் எல்லாம் பக்கத்து வீட்டில், கடைத்தெருவில், குழாயடியில் பார்க்கக்கூடிய மனிதர்களுக்குண்டான எல்லா நிறைகுறைகளுடன் ரியலான பெண்களாக வருகிறார்கள்.

(உங்கள் நாத்தனாரக வரும் 'நீலிமா' இன்னொரு அறுவை மன்னி. 'ரெக்கை கட்டிய மனசு' தவிர வேற்ந்த தொடரிலும் அவர் கவரவே இல்லை).

From: aanaa on Sat Nov 21 14:20:59 2009.

[Full View]

Quote:

திருப்பங்களுடன் `செல்லமே'

திங்கள் முதல் வெள்ளி வரை தினமும் இரவு 9.30 மணிக்கு சன் டிவியில் ஒளிபரப்பாகி வரும் ``செல்லமே'' தொடர், திருப்பங்களுடன் கூடிய காட்சிகளுடன் தொடர்கிறது.

செல்லம்மாவாக மென்மையான குடும்ப பாத்திரத்தை ஏற்று நடித்து வரும் ராதிகா கதாபாத்திரம், வரும் வாரங்களில் மிகப்பெரிய மனமாற்றத்துடன் தன் மீது பாயும் கணைகளுக்கெல்லாம் பதிலடி கொடுக்கும் புரட்சிப்பெண் பாத்திரமாக மாற்றி

அமைக்கப்பட்டுள்ளது.``செல்லம்மாவின் தம்பி மணியரசுக்கு வேறு ஒரு பெண்ணான கவிதாவை (மகாலட்சுமி) திருமணம் செய்ய முடிகிறது. ஆனால் மணியரசுவை வெறித்தனமாக காதலிக்கும் அமுதாவோ (நீலிமாராணி) மணியரசைத் தனக்கே மணமுடித்து வைக்க வேண்டும் என்பதில் உறுதியாக இருக்கிறாள். அவளுக்கு இருக்கும் மிகப்பெரிய ஆதரவு செல்லம்மா தான்! ஆனால் செல்லம்மா கணவர் வடமலையோ, இத்திருமணத்தை எதிர்க்கிறார். இந்த நிலையில் இரு இளம் பெண்களில் மணியரசு யாருக்கு மாலை சூட்டி மணம் முடிக்கப் போகிறான்? உண்மையில் செல்லம்மாவின் ஆதரவு யாருக்கு? என்பது கதை ஓட்டத்தில் அடுத்து வரும் மிகப்பெரிய திருப்பமாக இருக்கும்'' என்கிறார் ராடன் டிவியின் கிரியேட்டிவ் ஹெட்டான ராதிகா சரத்குமார்.

50-வது எபிசோடை கடந்து தொடரும் இந்த தொடரில் டெல்லிகணேஷ், எம்.ஆர்.ராதாரவி, ரவிக்குமார், வாசுவிக்ரம், சாக்சிசிவா, ஜார்ஜ், விச்சு, அஸ்வின், மாளவிகா, கிருத்திகா, சினேகா நம்பியார், சோனியா, வந்தனா, லதாராவ், சுபாஷினி நடிக்கின்றனர்.

ஒளிப்பதிவு: ரமேஷ் அழகிரி. பின்னணி இசை: கிரண். இயக்கம்: ஜவஹர். தயாரிப்பு ராடன் நிறுவனம்.

நன்றி: தினதந்தி

| RSS Feed | Email me when a reply is posted

Want to post a response?

(Hello Guest, you need to Login to post a response. Are you a New User? Register first.)

Back to TV,TV Serials and Radio forum